Skip to navigation Skip to main content

Cookies

John Barrowman

Gwobrau’r Loteri Genedlaethol

Gwobrau’r Loteri Genedlaethol yw’n hymgyrch flynyddol i ganfod hoff brosiectau’r DU a ariennir gan y Loteri. Roedd gwobrau’r llynedd yn noson fawreddog a bu 2.7 miliwn o bobl yn ei gwylio ar y teledu. Ymhlith y rhai a ymddangosodd yn y seremoni yr oedd Syr Chris Hoy, McFly, Leona Lewis, Mel C a hyd yn oed Y Prif Weinidog, ynghyd â’n henillwyr gwych.

Mae ceisiadau Gwobrau’r Loteri Genedlaethol 2013 bellach yn cael eu beirniadu, a bydd y rhai sydd wedi cyrraedd y rownd derfynol yn cael eu cyhoeddi ym mis Mehefin. Yn y cyfamser, cliciwch ar y dolenni isod i weld pwy enillodd eich pleidleisiau’r llynedd...

Ynglŷn â'r gwobrau

The Wanted

Gwobrau'r Loteri Genedlaethol yw'r ymgyrch flynyddol i ganfod hoff brosiectau'r DU a ariennir gan y Loteri. Mae chwaraewyr y Loteri yn codi £35 miliwn yr wythnos dros brosiectau ar draws y DU ac mae'r Gwobrau yn ffordd wych o dynnu sylw at sut y mae'r arian wedi newid y DU er gwell.

Bellach yn eu degfed flwyddyn, mae'r Gwobrau yn cydnabod y gwahaniaeth anhygoel y mae prosiectau a ariennir gan y Loteri wedi'i wneud i bobl, lleoedd a chymunedau ar draws y DU. Maen nhw hefyd yn dathlu talent, gwaith caled ac ymrwymiad rhyfeddol y bobl sy'n gysylltiedig â'u rhedeg.

Ers i’r Loteri Genedlaethol ddechrau ym 1994, mae dros 390,000 o grantiau wedi’u dosbarthu ar draws y celfyddydau, chwaraeon, treftadaeth, elusennau, iechyd, addysg ac amgylcheddol.

Cyflwynir Gwobrau’r Loteri Genedlaethol 2013 mewn cydweithrediad â’r Telegraph. Dyfernir y Gwobrau ar draws saith categori, gan adlewyrchu’r gwahanol fathau o brosiectau sy’n elwa o arian y Loteri. Y rhain yw: Celfyddydau, Addysg, Amgylcheddol, Iechyd, Treftadaeth, Chwaraeon ac Elusennol/Gwirfoddol.

 

Sut y mae'r Gwobrau yn gweithio?

Awards

Mae pob un o’r ceisiadau yn cael eu darllen a’u hasesu’n ofalus ym mis Mehefin. Yna bydd panel beirniadu annibynnol yn llunio rhestr fer ym mhob categori i fynd trwyddo i gylch terfynol y bleidlais gyhoeddus.

Y prosiect â'r nifer fwyaf o bleidleisiau ym mhob categori a fydd yn cael ei ddatgan yn enillydd. Bydd y bleidlais yn cael ei monitro a'i beirniadu yn annibynnol gan y Gwasanaethau Diwygio Etholiadol.

Bydd yr enillwyr ym mhob un o'r saith categori yn cael eu gwahodd i ddigwyddiad Gwobrwyo yn llawn enwogion a ddarlledir ar BBC One, ble bydd y canlyniadau yn cael eu datgelu. Yn ychwanegol at arian y loteri y maen nhw eisoes wedi'i dderbyn, bydd pob enillydd yn derbyn gwobr ariannol o £2,000 i'w gwario ar eu prosiect.

 

 

Canfod Achos Da

Rydym yn newid bywydau yn eich cymuned leol

Canfod Achos Da yn Eich Ardal Chi

Ymgeisio am arian

Beth am i chi wneud gwahaniaeth a helpu i weddnewid eich cymuned.

Cael gwybod mwy