Millennium Falcon Exhibition

Sefydlwyd Arddangosfa’r Millenium Falcon yng Nghymru wledig i adrodd ‘cyfrinach oedd yn hen hysbys’ mewn pentref yn Sir Benfro – adeiladu llong ofod Star Wars o faint go iawn yn yr 1970au.

Lansiwyd y llong gyntaf gan seiri llongau Doc Penfro o’r drefn fechan hon yng ngorllewin Cymru yn 1816 gan barhau i adeiladu llongau’r llynges am fwy na 100 mlynedd. Cafodd y safle ei ddefnyddio yn y pen draw gan y Llu Awyr Brenhinol i adeiladu cychod hedfan.

Ond cyn i’r hanes hir o adeiladu llongau o bwys ddod i ben, comisiynwyd seiri llongau Doc Penfro i adeiladu llong arbennig iawn – fersiwn maint llawn o’r Millennium Falcon, llong ofod eiconig Star Wars yn 1979.

Wedi eu dewis oherwydd bod ganddynt arbenigedd a’r lle ar gyfer gorchwyl mor uchelgeisiol, roedd y gweithiwyr wedi tyngu llw i gyfrinachedd, gyda’r prosiect yn cael enw cod arbennig: ‘Magic Roundabout’.

Yn arddangosfa barhaol erbyn hyn yng Nghanolfan Dreftadaeth Doc Penfro, mae’n adrodd hanes sut y cafodd y prop ffilm 23 tunnell eiconig ei adeiladu o ddur a phren haenog morol yn yr awyrendy dros dri mis. Mae’r arddangosfa yn cynnwys ffilmiau, ffotograffau a thystiolaeth oddi wrth y seiri llongau sydd heb eu gweld o’r blaen, ynghyd â model manwl yn dangos amrywiol gamau’r adeiladu.